大熱天時要消暑有好多方法，有人會鍾意隊支冰凍可樂、有人會鍾意喺冷氣房食雪糕。但文青話齋最好嘅方法就係一路隊可樂一路食雪糕再一路睇靚女，仲要係美腿添！

冇錯！既然夏天為大地帶黎美腿，咁如果你唔睇，就同中秋唔食月餅、平安夜唔爆房(咦?)一樣，白過！之但係喺條街到追住人哋對腳黎睇你又覺得太變態做唔出？得，黎緊七月東京就有個大腿攝影展《曖昧☆ふともも写真館》，有成二百張大腿照畀你光明正大咁睇之餘，仲有得即場影大腿！

入場費又平，有嘢睇又有嘢買仲話有腳影，一眾腿控Gents係咪急不及待想去訂機票呢？好抱歉嘅係所謂「有腳影」，係你畀對腳呀ゆりあ老師影。而且只限五、六、日，每日100個名額，最重要嘅係只限女性參加。換言之，男人去到就齋睇啫！

其實都好呀！