雖然話我哋「深夜系列」嘅本質係為咗養眼，但唔代表我唔可以為大家提供些少教育意義。好似今次我就想同大家介紹一個日文生字「はんなり」，事關學識咗呢個生字，你就可以更了解今晚要介紹呢位「藤江紗愛」嘅魅力啦！

今晚嘅主角、現年19歲嘅「藤江紗愛」出生於日本廣島縣，係一位最近先進入大眾視野嘅寫真新人。亦正因為佢好新，所以網上有關佢嘅資料、訪問都唔多。我目前搵到嘅資料顯示，佢早於2023年尾，即係啱啱18歲無耐就開始參加關西地區嘅攝影會，同年更以「現役高校2年生」之名登上著名寫真雜誌「B.L.T」正式雜誌出道。到上個月時更登上《週刊Magazine》，正式進入「漫畫雜誌」呢個寫真界主戰場。而睇佢於寫真中展現出黎嘅身材外貌，未來絕對有機會成長為巨星級人馬。大家可以好好期待。

咁上面提到嘅「はんなり」究竟係咩意思？「はんなり」其實係解「優雅又高貴、明亮又華麗」，而由於呢啲特質令人聯想到京都嘅「上品女性」，於是自中世紀開始就被京都、關西地區嘅人用黎形容有類似特質嘅女仔。換言之，「藤江紗愛」嘅最大賣點就係呢種優雅、高貴嘅氣質——唔知你又感唔感受到呢？

IG：sara_fujie914