隨住年紀增長，身體真係會開始有所變化。例如我身邊唔少女性朋友話，過咗25歲唔知點解體力就變差、過咗三十歲啲肉自自然然就會開始墮。亦正因為呢啲變化乃係自然現象，所以與之相反嘅先可以叫做奇跡。好似今晚要介紹嘅「天木じゅん」咁，就算到咗30歲都依然堅挺渾圓，難怪會被稱為「奇跡的30歲」啦！

有留意開日本寫真界嘅男士，相信都唔會對「天木じゅん」感到陌生。1995年出世、十月啱啱過咗30歲生日嘅佢，最早於2013年以偶像團體「ぱー研!」成員出道。2014年開始接觸寫真工作，並憑住I Cup傲人上圍成為手機《Young Jump》嘅「ぷるるんQUEEN」（ぷるるん係柔軟搖晃嘅擬聲詞），同年再獲《Young Animal》選為「NEXT寫真女王 第三季」總冠軍，從此奠定佢寫真界童顏巨乳女王嘅地位。

時間一晃十年過去，「天木じゅん」已經三十歲，但佢嘅身材似乎就無受年齡影響。上月三十歲生日時，佢仲推出遠赴台灣墾丁拍攝嘅新寫真集，寫真宣傳稿中寫話佢展現出「上胸限界表現」，一方係指佢有「透點」演出，另一方面亦點出佢上圍依舊豐滿堅挺。難怪可以被稱為「奇跡的30歲」囉！

IG：jun.amaki