我成日都話「寫真」對於唔少日本女星黎講，係累積人氣嘅踏腳石。佢哋透過拍攝性感寫真為自己打開知名度，繼而獲得更多工作機會，甚至轉型去做更吃香嘅演員。而今晚要介紹呢位「浅川梨奈」，其演藝經歷就可以話係完全根住呢條路黎走，走下走下依家都可以算係一線女星啦！

現年26歲嘅「浅川梨奈」自小就因為鍾意「SUPER☆GiRLS」以及「AKB48」等女團而希望成為偶像，所以13歲就參加著名經理人公司AVEX舉辦嘅徵選，最後又真係成功加入「SUPER☆GiRLS」出道，並一直於團內活動到2019年初退團。

而除咗團體活動之外，佢早於2015年即係16歲時就已經為《週刊Playboy》拍攝寫真處女作，當時更有「千年一遇童顏巨乳」之稱；同一年更創下一人獨佔《週刊Young Magazine》封面、卷頭寫真以及卷尾寫真嘅紀錄。往後幾年更係橫掃日本各大雜誌，同時亦成為寫真頒獎禮常客。

亦正因為寫真帶來超高人氣，「浅川梨奈」於2019年退團之後就改以演員身份活動，同年更獲得《日經娛樂》評為「20歲以下最多主演女演員」第一名。好在佢拍戲之餘都無忘本，定時定候都會繼續拍寫真慰勞一眾Fans。而踏入廿中嘅佢亦擺脫當年「童顏巨乳」稱號嘅前半部份，依家就係一位擁有成熟女人名嘅「巨」星啦！

IG：asakawa_nana