{ SKIP }
文:MenClub 魏文青  
POSTED ON 10 Nov 2025

俗語有云「機會係留畀有準備嘅人」,仲有另一句俗語就話「機會係要自己爭取」,我認為呢兩句說話就非常適合形容今晚要介紹呢位來自日本女團「STU48」嘅成員「工藤理子」。事關大家依家可以見到佢嘅泳裝寫真,全靠佢過去兩年嘅努力咁主動爭取!

現年23歲嘅「工藤 理子」出生於日本山口縣,2019年10月時參加STU48嘅二期生徵選並以票數第三名合格,到2021年昇格為正式成員。不過要數到佢嘅成名作,就一定要提到2024年2月時參加團體與Showroom合辦嘅「STU48 單人寫真制作權活動」並獲得第一名,隨後於同年8月推出首本個人寫真集《りこのとりこ》,大膽展露出平時禾桿冚珍珠嘅姣好身段。今年5月時更登上《週刊Playboy》封面,穩步向寫真界進發。

而佢有呢個成績真係並非必然。去年推出寫真集接受訪問時,佢就提到自己成為正式成員嘅兩年間減咗10kg,亦正因為覺得自己已經做好準備,所以去年先想出寫真集。而寫真集反應唔錯之後,今年又係佢主動向經理人公司提出要去拍雜誌寫真,爭取更多寫真機會。所以話我哋依家有睇到佢寫真嘅「機會」,真係要多謝佢本人嘅「準備」及「爭取」啦!

IG:lets_chikochiko

大家有無試過因為同一時間經歷好多事,所以即使實際時間唔係過咗好耐,但體感時間就長得多嘅錯覺?我每次見到今晚介紹嘅呢位「菊地姫奈」時,都會有呢個感覺。事關佢自出道以黎,就一直雄據各大雜誌嘅寫真版位,作品 ...
girls
【深夜】出道五年成「令和完售女王」!「菊地姫奈」戰力驚人
28 Nov 2025
日本各大青少年雜誌嘅寫真版面,係一眾寫真女星嘅主戰場。但由於僧多肉少,加上要為讀者提供新鮮感,哪怕寫真女星再紅再受歡迎,都好少會於短時間內出現於同一本雜誌之上。而今晚要介紹呢位「福田ひなた」就係當中嘅 ...
girls
【深夜】「可憐」偶像處女寫真大紅 「福田ひなた」破紀錄最速回歸
26 Nov 2025