拳擊比賽打來打去又可能見血，對唔少人黎講可能屬於「兒童不宜」嘅項目。但實際上拳擊比賽似乎好少會禁止未成年人入場，甚至未成年嘅亦可以上台——唔係做拳手參加比賽，而係上台做舉牌女郎。好似今晚要介紹呢位「百田汐里」咁就係一個好例子啦！

8月時啱啱滿18歲嘅「百田 汐里」出身於日本大阪。天生麗質嘅佢早於小學六年級時就已經被星探發掘入行，高中一年級時更參加過Abema TV嘅著名戀愛綜藝《今日、好きになりました。》，令佢年紀輕輕就已經廣為人識。2024年初，當時16歲嘅佢更已經加入日本格鬥比賽K-1嘅舉牌女郎「Krush Girls」，成為隊內最年輕嘅成員。同年佢又參加集英社舉行嘅制服選美比賽「制コレ」，成為四名得獎者之一。然後就順理成章進軍寫真界。

今年7月佢仲成功被東京車展選為明年展期嘅活動模特兒「A-Class」之一，換言之明年開始佢就會踏足埋Show場。而且佢仲係「A-Class」自2003年創立以來，首位能夠入選嘅「制コレ」成員。種種跡象都顯示佢未來一定有一翻大作為！大家亦可以期待下佢未來嘅新寫真啦！

IG：shiori_08.19