唔少於寫真界發展嘅女星，當初入行時其實係想做其他嘢，只係最後因為各種機緣巧合接觸到寫真，本身又真係有呢個條件，所以先繼續做落去。好似今晚要介紹呢位「日向葵衣」咁，就係一個好例子。而且唔好以為咁樣佢拍寫真就會好無耐呀，事實上佢為咗吸引到更多Fans，仲好努力咁令自己進步。進步咗幾多？答案係：兩Cup！

現年32歲嘅「日向葵衣」出身於日本神奈川縣。年少時因為深愛動畫《未見花名》，所以立志想入行做個聲優。甚至佢「日向葵衣」呢個名，都係出自動畫《魔法少女小圓》，可見佢有幾鍾意動畫。可惜嘅係聲優佢似乎做唔成，反而於2018年於寫真攝影會「Fresh!」上以專屬模特兒登場，並憑住自身質素成為當時「攝影會人龍最長的寫真偶像」。2019年於「Fresh!」及出版社CYZO合辦嘅寫真徵選中，更獲得亞軍，並隨即全面進軍寫真界。

雖然目前嘅發展路向未必係當初想要嘅，但「日向葵衣」依然敬業樂業。佢曾經表示為咗令身材更有睇頭，所以曾長期進行「育乳」，結果就令上圍升咗兩Cup。而翻睇歷年黎有關佢嘅報導，亦可以發現2020年左右，佢對外宣稱上圍有G，但到近年就已經改為H，應該就係「育乳」嘅成果。人哋咁有誠意，作為「受益者」嘅我哋一定要大力支持啦！

IG：aoi_hnta