依家我哋話人有「主角光環」，大部份時間其實都係貶義，用於現實中嘅人就係話佢自我意識太高、用於虛構作品中就係話主角因為係「主角」所以先有各種奇遇。但其實有時「主角光環」都有正面影響，好似今晚要介紹呢位「主人公」，就係憑住自己畀自己嘅「主角光環」黎克服複雜童年帶來嘅影響。

現年23歲嘅「主人公」，早年曾以「金丸紗希」之名活躍於偶像界，曾經加入女團「ONE BY ONE」，後來又組成過二人組合「Twilight:」。2023年開始單人活動後，就改用「主人公」作藝名。當被問到點解要改個咁嘅名時，佢話「如果我有『主人公』呢個名銜，大家就會當我係主人公咁看待。」睇落好似好自戀呀可？但其實背景又有段故。

佢話自己細個嘅童年生活有啲複雜，因為雙親嘅工作關係要不停轉校，識唔到朋友之餘亦適應唔到不停變化嘅環境。加上於學校被霸凌、喺屋企同兩個姐姐嘅關係又唔好，所以整個成長過程都相當唔開心。但就係呢個時候，佢發現可以將自己視為「主人公」，唔係悲劇主角，而係不停克服困難成長嘅主角，從而得到往前嘅動力。呢個心態亦成為佢後來於偶像界、寫真界嘅發展動力及信念。

而且你唔好以為佢叫「主人公」就有主角光環。雖然當年佢仲做緊偶像時就開始玩TikTok，並吸引到過百萬Fans，但後來之所以會加入寫真界，其實係佢自己爭取嘅。話說佢因為好鍾意澤尻英龍華而對寫真有興趣，於是自己主動向《週刊Playboy》提出建議，整咗個「人生初生著100日倒數計劃」，於TikTok上為自己寫真出道造勢，結果《週Play》又真係接受咗佢嘅提案，後來佢嘅處女寫真作亦深受Fans們喜愛，去年仲於《週Play》主辦嘅寫真頒獎禮贏到「インフルエンサー賞」（網紅賞）。所以如果佢唔係有呢種主人公精神，大家都未必有機會睇到佢嘅寫真呀！

IG：saaakii_o4o5