做得新聞主播通常外貌都要有返咁上下水準，加上呢個職業畀人一種端莊、有氣質嘅感覺，所以唔少主播都成為男士嘅夢中女神。而今晚要介紹呢位「白戸ゆめの」，更係號稱擁有日本「主播界No.1風彩」（アナウンサー界No.1スタイル），換言之佢於主播界中都係出類拔粹嘅存在！

現年29歲嘅「白戸ゆめの」出身於日本東京都，大學時就讀名校慶應義塾大學，而且因為自己鍾意運動比賽而希望成為體育主播。事實上佢畢業之後亦真係去咗香取縣嘅瀬戶內海放送電視台做記者兼主播，並因為其美貌而獲得注意。2021年佢於週刊《FLASH》上獻出處女寫真之後無幾耐，佢就離開電視台進軍寫真界。

而近日「白戸ゆめの」就再次登上《FLASH》拍攝新寫真，仲換上多款泳衣展現自己嘅好身材。主播獨有嘅氣質，加上進入適婚年齡噴薄而出嘅女人味可謂相當養眼，果然係「主播界No.1風彩」！

IG：yumeno.s_