所謂天下無不散之筵席，哪怕係一齊奮鬥多年嘅組合，都總會遇上解散嘅時候。好似今晚要介紹呢位「奥ゆい」咁，所屬團體「#2i2」成立5年後，早前宣佈會於年尾解散。而或者係為將來鋪定後路，所以佢就仿傚一眾已於寫真界闖出名堂嘅隊友，加入寫真戰團！

現年26歲嘅「奥ゆい」出生於日本奈良縣，2020年成為日本女團「#2i2」嘅創團成員之一，同團隊友包括「森嶋あんり」、「十味」以及「天羽希純」等，全部都係各大雜誌嘅寫真常客。其中「十味」及「天羽希純」更可以話係寫真界嘅一線戰力，人氣極高，自然亦帶動埋團體成為日本知名女團之一。

不過今年4月時，團體就突然宣佈會於今年12月舉行演唱會後解散，並指解散後團員會向各自嘅目標發展。而睇黎「奥ゆい」嘅目標就係向隊友們學習加入寫真界，事關過去多年都唔太影雜誌寫真嘅佢，近日就初次登上雜誌《Young Animal》，展露上金髮加白滑肌膚嘅可愛姿態。唔知各位又覺得佢能唔能於寫真界站穩陣腳呢？

IG：yui_oku