唔知同樣鍾意睇靚女嘅你有冇同感，反正我就覺得自從社交媒體成為生活必需品之後，啲「網紅」、「靚女」唔係唔靚，但就越黎越同化。以食物黎比喻就係啲餸雖然好食，但就似乎有同一種調味料嘅味道。如果同樣以食物黎比喻，咁今晚要介紹呢位「磯村美羽」就可能係能品出天然食物原味、清爽怡人嘅開胃菜。因為佢真係純過純水呀！

現年22歲嘅「磯村美羽」出身於日本茨城縣。2022年時佢先以「鈴木みう」之名參加Abema TV嘅著名戀愛綜藝《今日、好きになりました》嘅沖繩篇，同年又以現名參加韓國江陵篇，並因為其清純而充滿女友感嘅外表而大受歡迎。近年就於經理人公司seju嘅運作下拍過廣告、演過電視劇、舞台劇，當然唔少得幫雜誌拍下寫真累積人氣。

論身材，身高154cm、三圍亦唔見特別突出嘅「磯村美羽」其實冇咩睇頭，但佢就係勝在夠清純、形象夠貼地，加上可鞠笑容，令人覺得莫名地親切，就好似讀書時代見到樸素得黎青春陽溢嘅初戀對象咁。或者呢種依家比較少見嘅氣質，能夠令佢於競爭激烈嘅寫真界以至日本演藝界站佔一席之地？

IG：miu_isomura