雖然喺唔少麻甩佬眼中，日本嘅寫真偶像同AV女優只係「除多件、除少件」嘅分別，似乎寫真女星一個唔覺意就真係會下海。但其實喺日本，兩者之間有條非常明確嘅分界線，而絕大部份寫真女星就算發展得再差都唔會選擇投身成人界。不過今晚要介紹呢位「德江かな」，呢兩日就會同一大班AV女優一同出席活動，唔知係咪代表佢同成人界嘅距離又拉近咗呢？

現年26歲嘅「德江かな」早於14歲就已經簽約經理人公司做模特兒，16歲時參加《週刊Young Jump》主辦嘅制服選美比賽「制コレ」而廣為人識，到高中畢業後就決心以寫真女優身份繼續活動，並於2017年推出首隻寫真DVD，仲一嘢成為Amazon以及DMM兩大平台嘅銷售冠軍，並成為各大青少雜誌嘅寫真常客。到目前為止已經出過15隻寫真DVD，再加四隻VR寫真——講究立體感嘅VR寫真喎，咁你知佢最「大」賣點喺邊啦？

TREND FESTIVAL 2025部份出席名單

而今明兩日（13、14日），佢就會出席日本「TREND FESTIVAL 2025」，簡單黎講就即係有N個女星參加嘅超大型近距離見面會。寫真女星出席類似活動並唔罕見，罕見嘅係今年嘅「TREND FESTIVAL」將會係日本國內首個同時有寫真女星及AV女優登場嘅同類活動（亦可以睇得出喺日本兩者分隔得幾明顯），而且參加嘅女星絕大部份都係AV女優。

「德江かな」屆時仲會同大家熟悉嘅「楓ふうあ」、Moodyz新人「輝星きら」、近排長大到M Cup嘅「田野憂」等人於大舞台上同台演出……再加上大家睇圖都見到嘅大尺度，就算唔係「跨過」都一定係「踩住」分隔寫真女星同AV女優嗰條線了吧？

IG：tokue_kana