{ SKIP }
文:MenClub 魏文青  
POSTED ON 06 Jun 2025

今年一月,日本著名拳擊手「井上尚弥」對上韓國選手「金藝俊」,並成功擊敗對手守住四條金腰帶。但當日台上除咗「井上尚弥」之外,其實仲有一個日本一樣廣受關注,而佢就係當日擔任舉牌女郎、我今晚要為大家介紹嘅「森脇梨々夏」!

現年23歲嘅「森脇梨々夏」出身於日本兵庫縣,本來打算高中畢業後去考護士學校嘅佢,於畢業旅行去東京時被星探發掘,於是改向藝能界發展。2020年佢出演ABEMA TV嘅戀愛綜藝《恋する♥週末ホームステイ》而初步廣為人知,到2023年時先係出演舞台劇,然後又參加同年嘅由《週刊Magazine》主辦嘅寫真選美比賽「Miss Magazine」,雖然最後只係入到16強一個獎都無,但都足以為佢打開寫真界嘅大門!

近年「森脇梨々夏」就主要活躍於賽車場、車展又或拳擊比賽之中,但你又唔好以為佢只係運動比賽中嘅花瓶呀,事關佢其實係出自運動世家,爸爸森脇啓悟年輕時曾經係職業拳手,雖然成績唔算突出,但就訓練出多次獲得全日本青少年冠軍、目前亦係職業拳手嘅細仔「森脇龍星」,而佢嘅大女、「森脇梨々夏」個姐姐「森脇真鈴」,目前就係一位高爾夫球選手。甚至「森脇梨々夏」自己,都從小學習街舞、網球同空手道,當年參加「Miss Magazine」時就於記者會上打咗套拳技驚四座!

或者就係多得從小參加運動,依家嘅「森脇梨々夏」先有大家見到呢副毫無贅肉嘅結實Body咋!

IG:ririka_0508

喺以外表及身材行先嘅日本寫真界(甚至整個娛樂圈都係啦),女性嘅黃金年齡大都坐落於「十零歲到三十零數」之間,過咗呢個年齡段嘅唔係成功轉型,就係選擇引退做返個平凡人。不過今晚要介紹呢位「石岡 真衣」,就係 ...
girls
【深夜】曾加入「借錢女團」及「惠比壽」 解散後「石岡真衣」回歸寫真依然有市場
25 Aug 2025
如果有留意日本體育新聞,或者會見過「一軍」、「二軍」呢類字眼,其實就即係講緊團體內嘅序列高低,當中以「一軍」為最高,即係隊伍中實力最勁、最重要嘅成員。而今晚要同大家介紹呢位「高橋かの」,就有個朵叫做「 ...
girls
【深夜】今天、明天也喜歡你 戀綜出身超一軍女子「高橋かの」
25 Aug 2025