唔少男士都對於某啲職業，或者著某啲制服嘅女性有特別興趣，但你又有冇諗過隨住社會改變、新嘅工作種類出現，呢種「職業癖好」都會有相應嘅發展呢？好似我近日發現IG上有個日本創作者，就非常高產地利用AI生成「泳裝外賣妹」。唔知佢嘅作品又有冇為你打開新嘅癖好大門？

話說早排我為「深夜系列」搜集資料嘅時候，無意中發現呢個有成萬幾人追蹤、名為「delivery_kawaii_bijo」，即「外美可愛美女」嘅IG帳戶。顧名思義，呢個自去年11月開始更新嘅帳戶，就係以大概每日一篇嘅頻率更新揹住Uber Eats個外賣箱嘅AI美女圖。有趣嘅係如果你由頭開始睇，就會發現佢嘅更新由原本有各種造型打扮嘅可愛少女，到去年12月左右就開始固定成著住日本學生泳衣「普魯馬」嘅少女。眼見相中嘅可愛少女著住學生泳衣、揹住個外賣箱出現於各種場景，個感覺奇妙得黎唔知點解又幾好睇架喎！

另一樣有趣之處，在於佢每篇更新嘅內文入面，都有標記到另外嘅IG帳戶，雖然絕大部份撳入去都係「無法顯示」嘅假帳戶，但睇啲名就會留意到呢啲帳戶似乎係創作者為圖中嘅AI美女所創。所以假以時日，或者我哋會見到一整個「泳裝外賣妹宇宙」嘅出現？

IG：delivery_kawaii_bijo