如果話Fans嘅追捧就係偶像發展嘅根基，咁作為偶像嘅首要任務應該就係氹掂呢班米飯班主，分別只係偶像究竟可以去到有幾盡咁解。而今晚要介紹呢位號稱王道偶像嘅「浅原凜」，就願意為咗Fans「脫」！又唔係話脫好多，出本水著寫真集咁解啫。

現年22歲嘅「浅原凜」其實自小學一年級就已經做緊兒童模特兒，到升中學之前又再於原宿被星探發掘。2017年參加女團「Shibu3 projec」嘅一期生徵選，被背後嘅經理人公司睇中，簽約後轉為參加另一女團「ぴーおん♡」。2018年時仲參加過日本著名選美比賽「Miss ID」，不過就冇拎到獎。

2020年時佢再去參加另一女團「26時のマスカレイド」嘅徵選，雖然最後落選，但仍然被睇中組成依家嘅團體「Peel the Apple」，2024年12月更成為團內第二代隊長。

寫真封面

由此可見，「浅原凜」其實一直都係於偶像界發展，並以最傳統嘅偶像形象活動。之前唔好講出寫真，就連露多少少肉嘅造型都唔多見。佢早前宣傳寫真集《凜》時亦坦言，無論係Fans定係屋企人都未見過佢著比堅尼，係為咗出寫真集先獻身。至於被問到將來會唔會正式寫真界啦喎，佢就話：「如果Fans開心，我就會做」，呢啲咪叫寵粉囉！

IG：rinogsd728