喺呢個大致上都係「瘦=靚」社會，唔少女星喺做重要訪問呀、出寫真之前都要特登節食減肥，希望以「最佳狀態」示人。但呢個世界上亦有啲人唔單止好可惡地食極唔肥，甚至仲要刻意食多啲黎增肉先至靚。而今日要介紹嘅呢位「大西桃香」，就係其中之一！大家就睇下佢增肉之後嘅成果啦！

現年27歲嘅「大西桃香」，係日本著名女團AKB48嘅前成員。2014年時佢通過AKB48 Team 8嘅全國試鏡而入團，成為隊內嘅奈良縣代表，但其實一開始時佢於團內嘅發展唔係十分順利，直到2016年10月佢開始每朝5點半做直播，成功引起話題兼提高人氣，先慢慢成為人氣成員之一。往後佢除咗堅持每日直播（2022年4月突破連續直播2000日紀錄）以及團內活動之後，亦有出演電影、劇集及舞台劇等。最終於去年2月中、佢出道十週年前夕正式退團，目前正向演員方向邁進。

作為一個偶像成員，「大西桃香」固然有影過下寫真，甚至曾於2018及2023年出過兩本個人寫真集。不過整體而言佢於寫真界唔算多產，例如近日再次受邀為《週刊Playboy》拍攝雜誌寫真，就已經係三年來首次。而於寫真訪問中，佢就表示因為知道拍寫真要有啲肉先好睇，所以拍攝前一個禮拜就不停食燒肉同爬飯，甚至拍攝前一晚都仲因為失眠，凌晨五點食多個杯麵先出發去拍攝。至於佢嘅「努力」有冇用呢，相信大家睇完上面啲相應該都有定案啦。

IG：momo0920_official