唔知大家覺唔覺得，現代人嘅外表似乎「老」得特別慢。猶其係啲女明星，唔少人去到三、四字頭都仲可以保持少女咁嘅膚質及體態。亦或者因為咁，所以近年日本有唔少女明星都係去到三十歲後先開始推出寫真集。好似今晚要介紹要嘅呢位「山下リオ」，就會於下月推出出道17年黎首本個人寫真集啦！

現年32歲嘅「山下リオ」，自小學時就因為鍾意柴咲幸而希望成為演員，2006年、即係佢14歲時更成功加入柴咲幸所在嘅Stardust經理人公司。2007年成功出道，並開展其17年演藝生涯至今。

有趣嘅係，「山下リオ」嘅演藝生涯其實頗為成功，咁多年黎不論電視劇、電影、廣告、舞台劇、網劇佢都有涉獵，維基百科上嘅演出經歷長到碌極都有。但由於佢當年嘅出道作，係接替夏帆成為三井不動產Rehouse（類似搵屋網加經紀服務）嘅第十二代廣告女主角，所以到今時今日媒體報導佢時都會拎出「第十二代Rehouse Girl」呢個銜頭出黎。睇黎第一印象真係非常重要。

而近日，「山下リオ」就宣佈會於12月中推出寫真集《Selenge》，亦係佢自出道當年推出嘅超純情寫真集——準確啲叫「相集」啦下，唔算「寫真」——後，時隔17年黎嘅首本寫真集。你須知道「山下リオ」一直都係以演員活動為主，而日本女演員通常都好鍚身，所以唔好講寫真集，就連背心佢哋都唔係好著。但今次於寫真集中，「山下リオ」唔單著上穿窿洋裝露出南半球，仲有於草原上赤裸上身以手遮胸嘅大膽造型，大家先知原來佢身材都相當唔錯！希望將來佢有更多拍攝機會嘅機會啦！

IG：rio_yamashita_official