喺日本，未成年時就已經出道做寫真女星可以話係家常便飯，但對於國家嘅人黎講就可能會有啲心理負擔，所以我哋亦一直避免介紹未成年嘅日本寫真女星。而今晚要介紹呢位「松島かのん」，其實幾年前就已經出道、而且可以話係當紅女星之一，到依家我就終於可以介紹畀大家認識啦！

愚人節出世嘅「松島かのん」今年啱啱滿18歲，但其實佢15歲時就已經簽約經理人公司，並參加日本少女時裝雜誌《LARME》嘅模特兒選拔而出道。2022年時佢以16歲之姿，參加集英社《週刊Young Jump》舉行嘅校服選美比賽《制コレ》並獲得亞軍，同年順理成章地於《Young Jump》寫真出道，並一直活躍於寫真界，同時亦有踏足劇集、電影、廣告等界別，可以話係目前日本最具人氣嘅美少女之一。

今年18歲生日時佢更推出首本個人實體寫真集《ボクとかのん。》，7月時又以18歲又3個月嘅年紀，成為日本DMM集團擁有嘅比利時球隊「Sint-Truidense V.V.」嘅宣傳女郎之一，亦係球隊有史以來最年輕嘅宣傳女郎，再加上出演短劇APP「Vigloo」嘅首部日本原創劇《理想彼氏-5人のイケメンとJKのキス-》，令其人氣再次提升。

實際上佢有幾紅？咁講啦，大家上面見到嘅所有寫真，都係由佢近半年推出嘅寫真中揀出黎嘅。睇佢短短時間就獲得咁多次寫真邀約，你就知佢幾受歡迎啦。

IG：kanon401_official