俗語有云：「唔理幾多歲嘅男人都鍾意18歲嘅女人」。「18歲」呢個年齡段準唔準確就暫且不提，但普遍黎講男人又的確會覺得年輕——最好就有埋「貌美」啦——嘅女性別有一番魅力。而今晚要介紹嘅呢位「古田愛理」，佢個花名就叫做「年輕人的魅力」，咁係咪代表大家會好鍾意佢呢？

現年22歲嘅「古田愛理」演藝資歷可謂非常豐富。2015年時佢先係加入家鄉岐阜縣嘅女團而正式出道，後來加入日本著名經理人公司「Avex」。2018年先成為日本少女向時裝雜誌《Popteen》嘅專屬模特兒，再參加由集英社《週刊Young Jump》主辦嘅著名制服選美比賽「制18」，擋都擋唔住嘅年青氣息令人留下深刻印象，於是經理人公司就將佢包裝成「年輕人的魅力」，亦果然令佢嘅知名度火速增加。

參加完「制18」之後，「古田愛理」非常順理成章地踏入水著寫真界，而且深受各大編輯部及讀者喜愛，由2019年起已經推出至少22套電子寫真，去年亦推出首本個人實體寫真集《体感温度》。雖然即將脫離「十八廿二」嘅階段，但佢早前接受訪問時就話不論自己定係身邊朋友都覺得同以前冇咩唔同。或者呢個就係維持少女感嘅好心態？

IG：airi_furuta