雖然「二次元」係一個平面，但二次元世界——即係動畫、漫畫、遊戲等——中出現嘅女角，身材就往往比三次元中嘅真人更加令人血脈沸騰，甚至令唔少男人沉迷其中，高呼「唔需要真實女人」。而今晚要同大家介紹嘅呢位「伊織いお」，就號稱擁有「比二次元更二次兀的身材」，唔知又能唔能夠令你重新愛上三次元世界呢？

現年25歲嘅「伊織いお」，早於2018年就開始寫真活動，並於2019年推出首隻寫真DVD。當時嘅佢有兩個賣點，第一當然就係佢嘅傲人身材。36-21.5-36嘅玲瓏浮凸身材，配上151cm嘅嬌小身高，視角效果本身已經非常驚人。但更驚人嘅係佢嘅上圍竟然豐滿到有J Cup——提提各位，係第十個英文字母——不科學身材亦令佢過去幾年贏過無數過與胸部有關嘅寫真偶像銜頭。例如《週刊Playboy》於2020年將佢選為「雨宿りしたい次世代下乳番付」（港式翻譯即係「大到可以避雨嘅次世代南半球」）嘅「東橫綱」，同年又於寫真集誌《東京Lily》舉行嘅票選中獲得「巨乳偶像賞」。可見佢身材有幾驚人。

而另一賣點，就係寫真其實只係佢嘅兼職。據佢自己透露，佢其實熱愛建築，仲曾入過大學嘅建築學系就讀。但一年後就因為嫌人哋教好多「與建築無關」嘅事而退學，轉到建築專門學校就讀，畢業後亦真係有加入建築公司工作，就算寫真出道後亦繼續返工。佢曾經話過寫真唔可以拍一世，所以希望保留一份能夠利用佢知識嘅工作。算係證明咗胸大唔一定無腦？

IG：iocos69