喺呢個撳幾個掣就可以生成出各種美女嘅時代，相信大家都會因為驚J…追蹤錯人而多咗幾分小心。而如果大家係迎年先認識今日要介紹嘅呢位「くりえみ」的話，或者都會以為佢係一個AI美女。但其實佢唔單止係個於日本寫真界活躍多年嘅真人，仲係AI公司嘅CEO！

上月剛剛年滿30歲嘅「くりえみ」，早於2012年，即係佢高中一年級時就被星探發掘而入行，並以「栗田恵美」之名出過幾隻寫真DVD。2014年加入偶像女團「転校少女歌撃団」而暫停寫真工作，到2018年畢業後先改名「くりえみ」，並號稱自己係「出身就係露出狂」再次寫真出道。自此之後上過無數次雜誌、拍過N次性感寫真、5隻寫真DVD（改名後）、兩本個人寫真集，可以話係寫真界嘅長青樹之一。

咁一個寫真女星又係點樣同「AI」拉上關係呢？原來佢去年7月時就出過一本利用AI生成技術嘅AI寫真「SNS ANGEL」，自此就於日本AI業界緊密合作。去年9月成為日本AI公司「AIHUB」嘅首席營銷官（CMO），去年12月時「AIHUB」再出資成立「利用AI生成技術製作虛擬藝人．KOL」嘅「Pinyokio」，並委任「くりえみ」做公司CEO。亦因為佢同日本AI界有緊密合作，所以佢IG上先有咁多AI生成，或者至少係AI協助修圖嘅靚相。唔知各位又鍾唔鍾意佢呢種結合真人同AI嘅風格呢？

IG：kurita__emi