日本有好多所謂「情報番組」，亦即介乎新聞資訊以及綜藝節目之間嘅節目，而「情報番組」中又會有大量不同嘅主播主持不同環節。今晚要同大家介紹嘅呢位「山崎あみ」就係情報番組嘅主播出身，而且仲紅到可以出個人寫真集！以下就同大家睇下佢有啲咩魅力！

現年27歲嘅「山崎あみ」，早於2014年，即係佢17歲時就因為哥哥鼓勵而去參加經理人公司舉行嘅試鏡，結果成功攞獎出道，次年更成為日本電視台晨間情報番組《ズームイン!!サタデー》嘅天氣主播，隨後就頻頻出演電視節目而打響名堂。目前除咗電視節目外仲有主拎電台節目，亦有拍過廣告、電視劇、電影，當然亦唔少得於各大雜誌中亮相，可以話係一個相當多才多藝嘅新生代女星。

《Cantabile》宣傳圖

不過要數到「山崎あみ」嘅最大賣點，當然就係佢170cm嘅高挑身材，以及號稱「股下90cm」嘅一對超長腿。2020年時佢就曾經與講談社合作，推出一連兩套名為「美腳Climax」嘅電子寫真，純潔主播身份配上一對色氣美腿令迷倒唔少男Fans。最近佢推出首本個人寫真集《Cantabile》更係襪帶美腿上陣。佢於接受訪問時亦提到自己為咗拍寫真集，早於半年前就已經由頭到腳趾去角質。唔知你又對佢嘅成品滿唔滿意呢？

IG：__ami.yamazaki__