{ SKIP }
文:MenClub 魏文青  
POSTED ON 08 Jul 2024

四月時我同大家介紹過,因為台上表演時被Fans影到超靚相,號稱能夠與橋本環奈當年爆紅嘅「奇跡的一枚」媲美嘅地下偶像「中川心」。咁既然佢靚到身在香港嘅我哋都知道,日本嘅各大雜誌又點會放過佢呢?所以事隔近兩個半月後,「中川心」就接連為少年雜誌拍寫真啦!

話說今個禮拜,日本著名雜誌《週刊Playboy》及《FRIDAY》先後刊出「中川心」嘅寫真,其中發行時間較早嘅《週Play》更係佢自2021年於地下偶像團體出道以來首次嘅雜誌寫真。據佢接受《週Play》訪問時透露,自細佢就因為鍾意AKB48嘅「大島優子」,以及℃-ute嘅「鈴木愛理」而有個偶像夢,亦促使佢自高中二年級起就開始參加女團嘅徵選。

不過佢嘅偶像之路就開始得相當不順暢。佢於「ユリシス」出道僅一年後就於2021年4月因為團體解散而被逼畢業,隨後加入另一女團「UNiSON」,結果6月連「UNiSON」都解散埋,於是8月佢又轉到第三個團體「ワンチャンアリーナ」。活動咗半年後佢再次轉會,加入「BABY TO KISS 」,並於2022年10月被提拔到同系統女團「HOT DOG CAT」,最後於去年5月離開「HOT DOG CAT」,加入依家嘅「あまいものつめあわせ」。

而早前嘅佢嘅「奇跡的一枚」,正正就係於最新團體「あまいものつめあわせ」公演時被拍下。對於被拎黎同環奈BB做比較,佢話其實自己相當驚慌。而且由於佢本身就係環奈BB嘅Fans,所以高中時期嘅自我介紹就係「焼津(日本地名,佢家鄉)的橋本環奈」,本身就係諗住自嘲引人吐糟,點知最後真係能夠同環奈BB相提並論,所以覺得整件事非常神奇。

唔知各位睇完「中川心」嘅寫真,又對佢嘅未來發展有咩期望呢?

IG:556_nakagawa

一個國家嘅文化實力是否強大,有時睇外來者係跟住你個文化走,定係堅持外來文化就可以得知。而如果呢個說法成立的話,今晚要介紹嘅呢位「仙北谷ハンナ」(Hanna)就可能係日本寫真文化強大嘅證據之一。事關呢位人生大 ...
girls
【深夜】史上最高級Body 英日混血「仙北谷ハンナ」
04 Jul 2025
如果我冇記錯,我於「深夜系列」中已經唔止一次用過「超新星」呢幾隻字。但大家要信我,今晚要介紹嘅呢個「溝端葵」,同其他「超新星」真係唔同。因為自從佢於今年3月出道之後,其寫真成績就如同坐火箭一樣飆升。依 ...
girls
【深夜】出道三個月即上封面 寫真界超新星「溝端葵」
02 Jul 2025