唔少人曾經講過，能夠將自己嘅興趣變成事業係一件好幸福嘅事。如果係咁，今晚要介紹嘅呢位「花雨」，就應該係個好幸福嘅人。事關本來係個OL、閒時興趣係自拍性感寫真放上IG嘅佢，近來真係正式進軍寫真界。相信大家睇到佢啲相亦會覺得好幸福呀。

由於「花雨」目前似乎並沒經理人公司，亦冇官網或維基百科專頁，所以關於佢嘅年齡、身高、身材等數據目前都仲係一個謎，淨係知道佢曾經於社交網站專頁上寫自己係個「一般OL/寫真係興趣」。好在佢早前為《週刊Playboy》拍攝人生首次雜誌寫真，仲順手做咗個訪問，於是透露出更多關於佢嘅訊息。據佢自己講，佢畢業後真係做過一陣OL，同時好似普通人咁玩下IG、Twitter（X），上傳下生活紀錄，但後來有次佢上傳咗一張用胸夾住本漫畫嘅相而大受好評，令佢發現自己嘅胸部原來係長處，於是就開始自拍性感寫真。

佢表示由於自細家教好嚴，所以之前並無接觸過漫畫週刊或者入面嘅寫真，所以佢自己拍攝時嘅誘人姿態完全係本能演出，亦令好多Fans同佢示愛甚至求婚。而隨住人氣漸長，佢亦與其桑島智輝、笠井爾示等寫真攝影師合作，推出個人寫真集。目前佢IG有超過11萬人Follow、X上嘅Fans更高達14.6萬，，而且有經營粉絲付費頁面，亦或者係點解近來佢刪除咗自我簡介中嘅「一般OL/寫真係興趣」。

至於未來，佢就話希望可以嘗試聲優或演員工作，至於寫真當然亦唔會放下。換言之大家將來應該會睇到佢更多靚相啦。

IG：ksmttn