網絡時代嘅好處之一，就係創作者唔一定要依附於大眾媒體，至要你有足夠人氣或者Fans支持，就可以推出自己嘅作品，甚至「反攻」所謂嘅主流。好似今晚要介紹嘅呢位「月野もも」咁，最近就自資出咗本實體寫真！

現年26歲嘅「月野もも」，最早於2020年與經理人公司簽約而入行，但好快就改為Freelancer自己管理自己。初出道時佢因為幫日本汽車用品店「YellowHat」拍過廣告而成名，所以後來唔少工作都係同車有關，例如2023年東京車展中就成為「RE雨宮（專門改裝Mazda轉子引擎嘅廠商）」嘅合作伙伴之一。另外，自2022年起，佢亦成為日本電競隊佐Crest Gaming嘅遊戲直播主之一。

到今年，「月野もも」就正式進軍寫真界，除咗推出首隻寫真DVD《Artemis》之外，4月時亦推出首本個人寫真集《FULLMOON》，兩者都展現咗佢白到反光嘅嬌嫩肌膚。佢於接受訪問時提到，由於自己係Freelancer，所以整本寫真集由策劃到揀相都係佢自己一手一腳包辦，寫真集中嘅相更係由幾千張相中揀出黎，落足心機咁話。而觀乎拍出黎嘅成果，相信未來大家都會見到佢更多嘅寫真作品啦。

IG：momocslr4