講起日本水著寫真女星，大家自然就會諗起一個身在陽光海灘之中、身穿性感比堅尼、對住鏡頭露出燦笑嘅美女。事實上「陽光」、「開心」、「正面」都係唔少人對於寫真女星嘅刻板印象，但事實上係咪每個寫真女星於現實生活中都係「元氣100%」呢？答案就好明顯係否定嘅，至少今晚要同大家介紹呢位「天野さき」就唔係啦。

現年19歲嘅「天野さき」，早於2021年時就參選《週刊少年Magazine》舉辦嘅年度水著選美活動「Miss Magazine」，並獲得僅次於總冠軍嘅「週刊少年Magazine賞」，隨後就順理成章地於《週刊少年Magazine》寫真出道，並憑住天真爛漫嘅可愛笑容，以及34-24-33嘅好身材，成為近年各大少年雜誌嘅寫真常客之一。今年1月11日佢19歲生日時，更推出出道兩年半以來首本實體寫真集，令其人氣再上一個台階。

不過去年年尾，佢為咗宣傳寫真集而接受媒體訪問時就透露，其實現實生活中嘅並非寫真中嘅陽光燦爛，反而非常負面及內向，所以近來亦希望於寫真集展現自己嘅呢一面。佢強調自己之前展示嘅開心唔係虛偽、唔係扮嘢，面對Fans時佢真係開心，但同時較為陰暗嘅一面亦係自己嘅一部份，所以希望Fans都能夠接受。

唔知你又會唔會接受呢？或者我應該咁問：你有冇理過佢個表情呢？

IG：kiki_amano