日本係一個對紋身相當敏感嘅國家，就算你係外國人，就係你唔係「雕龍雕鳳」，都好可能因為紋身而被禁止出入大眾溫泉，更惶論藝人於大眾媒體中露出紋身。不過近年日本對於紋身嘅睇法似乎略有鬆動，例如K-1格鬥上月終於取消只針對日本選手嘅紋身禁令，而近日性感模特兒「PyunA」亦首次於雜誌寫真出露出紋身。

現年23歲、出生於東京嘅「PyunA」本名「大賀 紗弥」，最早係於2020年開始經營自己嘅社交平台，然後憑住出色嘅個人外表，以及揉合K-pop潮流與日本「Gal系」特色嘅打扮風格，好快就成為一個KOL。2021年時首次獲邀成為日本時裝秀「關西Collection」嘅模特兒而出道，目前就為Gal系雜誌《小悪魔ageha》擔任專屬模特兒。

自去年起「PyunA」先後獲邀為《週刊Playboy》及《週刊Young Magazine》拍寫真，對比佢自己IG啲相，就會發現雜誌寫真中都冇咗心口個英文字紋身，相信係用粉底或者後期P走咗，以符合紋身禁令。但到最近再次為《週刊Young Magazine》拍寫真時，佢就首次露出寫真，甚至雜誌都用「紋身解禁」黎做宣傳，可見日本嘅風氣似乎略有改變。大家亦可以仔細咁欣賞佢個胸…對上嘅紋身啦！

IG：_000919_