近年潮流興「Y2K」（當我都拎黎講嘅時候，個潮流好可能就黎過），大家應該都見到唔少依家十八廿二嘅少女、著住我哋十八廿二時候風格嘅衫——粗略地講，即係「MK妹」！但「MK妹」其實不限於打扮，其實仲描述緊當年某部份人嘅整個人生進程；同時「MK妹」亦唔係香港獨有，事實上日本亦有類似嘅女仔。好似今晚要同大家介紹呢位「まぁみ」，就係個無論打扮定人生，都有如教科書式「MK妹」嘅美女啦。

現年22歲嘅「まぁみ」本名「小田 愛実」。身為泰日混血兒，出身於日本茨城縣嘅佢，自細就鍾意所謂嘅「Gal系」（當係日本版MK妹啦）打扮，更於高中生時期，就已經成為日本著名Gal系雜誌《egg》嘅模特兒。2018年出演（又係）Abema TV製作嘅高中生戀愛綜藝《恋する♥週末ホームステイ》而爆紅，畢業後再成為另一本著名Gal系雜誌《nuts》嘅專屬模特兒，加上佢自己個IG都有超過廿萬Followers，人氣、事業都可謂蒸蒸日上。

但你記得嗎？廣義嘅「MK妹」係包埋人生進程！而「まぁみ」嘅人生就直頭係非常刻板印象嘅「MK妹」。話說佢於2021年9月，即係佢自己廿歲生日冇耐，就對外公佈有喜，同年12月8日就誕下一子——順帶一提，日本係於2022年先將成年年齡調低至20歲——然後於2022年11月，即係個仔都未夠一歲，佢就表示兒子出生後冇耐就離咗婚，目前正獨力養大兒子。換言之，佢好可能係於一年多少少嘅時間內，就完成結婚、生仔、離婚三部曲。

不過又咁講，佢黎緊7月先23歲，真係大把青春。而且大家睇相都能夠感受到佢嘅吸引力，話唔定好快有第二春呢！

IG：maaaami79