雖然喺日本做寫真女星素來都冇咩真正嘅年齡下限，唔少人十五六七歲就已經出緊幾隻DVD，但一般黎講都會與女星成年與否作一個界線，成年後於作品數量及尺度方面都會擁有更大自由度，簡單黎講即係可以大展拳腳！而今晚要介紹呢位「蓬莱舞」就係一個好好嘅例子，事關佢只係成年咗三個月，但寫真數量已經成井噴式增長！

2006年1月先出世，換言之今年1月先十八歲生日（2022年日本將成年年齡降低為18歲）嘅「蓬莱舞」，其實早於10歲嘅時候就已經做緊兒童時尚模特兒，亦曾參加過TOKYO MX2嘅電視節目《東京電波女子》，話佢係個童星絕不為過。不過佢嘅成名作，就係2022年時參加《週刊Young Jump》舉行嘅著名高中生選美「制コレ22」仲拎到冠軍，然後就好順理成章咁開始拍寫真，當時我就已經睇好佢會有一番作為。

到今年佢正式成人後，果然就迎來事業大爆發，單單計1月到4月初，佢就先後為《FLASH》、《週刊Playboy》及《週刊Young Jump》拍過至少八輯寫真，三月尾時更推出埋首本個人寫真集，明顯就係要大力發展自己嘅寫真事業，其人氣亦可見一班！相信未來大家都會繼續見到佢嘅寫真新作呀！

IG：horai_libera_official