雖然話男士們對於時下流行嘅戀愛綜藝未必好有興趣，但相信大家都不能否認，無論邊個國家、邊個電視台拍嘅戀愛節目，入面啲女仔都真係樣靚身材正（老實講，啲男仔都係）。而當中唔少人更加係因為參加戀愛節目而爆紅，繼而出道做埋藝人。好似今晚要介紹呢位「上ノ堀結愛」就係其中之一啦！

日本Abema TV嘅著名高校生戀愛綜藝「今日、好きになりました。」自2017年播出起，就捧紅過無數咁多個本來寂寂無名嘅日本女高中生，淨係我哋深夜系列介紹過嘅起碼都有4、5位。而出身於鹿兒島縣、現年19歲嘅「上ノ堀結愛」，其實早於中學生時期就已經有簽經理人公司，做過下少女時裝秀模特兒，又有拍下廣告咁。不過要數到真正廣為人知，就係因為佢參加過2021年播出嘅「今日、好きになりました。朝顏篇」。

出演節目後令佢人氣大增，單單IG上就已經有超過21萬Fans，比起唔少偶像都要高。同時佢亦開始參與Abema TV嘅網上節目、又有拍過幾個MV咁，算係正式出咗道。而近來佢亦於《Young Magazine》中獻出佢嘅「初水著寫真」，從圖中大家可見佢除咗有白到反哂光嘅嬌嫩肌膚，以及王道美少女外貌之外，其實身材亦幾有睇頭。雖然話目前佢唔似會轉型做寫真偶像，不過都希望佢未來會有更多水著作品啦！

IG：yua.0201