近年戀愛真人騷頗為盛行，而且話題不斷，幾乎所有參演嘅女仔，唔理樣貌又或性格嘅優劣，都一定會於播出時佔據大量版面，甚至有啲後來出道做埋藝人。好似今晚要同大家介紹嘅呢位「柚来しいな」咁，就係日本戀愛真人騷出身。有趣嘅係，即便如此，佢嘅人氣可能唔夠自己個經理人高！

現年20歲嘅「柚来しいな」最早係於TikTok成名，及後被經理人公司發掘，並以Abema TV嘅著名高校戀愛真人騷《今日、好きになりました。》出道，當中佢嘅表現更一度成為網絡話題，甚至紅到有廣告拍。及後再成為富士電視台著名節目《めざましテレビ》中「イマドキ」環節嘅主持人之人；2022年推出個人寫真集《ゆずきしいな、です。》正式寫真出道。

論身材，「柚来しいな」就唔算有咩睇頭，但一來佢於真人騷中獲得大量人氣，二來佢「黑長直」造型加上「書法」呢個興趣，營造出一個清純甜美乖乖女嘅型像，所以依然吸引到大量Fans。最近仲為《週刊Playboy》獻出首次雜誌寫真。

有趣嘅係，「柚来しいな」個經理人，就係我哋曾經介紹過、號稱「紅過自己藝人」嘅「池田桃子」。「柚来しいな」接受訪問時盛讚經理人身材好好，仲話對方教佢食雞沙津維持好身材。唔知各位又鍾意年輕貌美嘅藝人「柚来しいな」多啲呀，定係成熟誘人嘅經理人「池田桃子」多啲呢？

IG：shiina_1021