大家睇咗咁多年成人動作片，總會遇過幾個「封面殺手」。事實上「大力P圖」呢件事於日本演藝界並不罕見，就連過去MenClub僅有幾次嘅日本寫真女星訪問中，都曾經遇過經理人公司要求P到個女仔「皮膚完美無瑕」。而「大力P圖」嘅後果，除咗會令到部份Fans反感之外，仲有可能抹去女星自認為嘅最大賣點。好似今晚要介紹嘅呢位「成瀬結愛」咁，就係「受害者」之一啦。

現年25歲嘅「成瀬結愛」，係個今年9月先推出首隻寫真DVD嘅新人寫真女星。據其出道報導表示，佢年青時其實都已經拍過下水著寫真，不過後來就轉戰地下偶像市場，直到今年先回到「地上」，正式以寫真女星身份出道。同時佢亦打入由日本雜誌《FLASH》舉行嘅「Miss Flash」選美最後15強，雖然於10月完結嘅票選中敬陪末座，但能夠進入最終票選都已經算係一種成就啦。

「成瀬結愛」嘅賣點之一，就係其極為嬌小，但頗為有料嘅身材。佢官方身高僅為149cm，但上圍就報稱有F Cup，所以整體身材輪廓可謂玲瓏浮突。不過佢於個人X (Twitter) 嘅自我介紹中，就話自己嘅魅力點其實係「正面第四點」——即係肚臍附近粒瘞。但如果你仔細睇下佢嘅寫真，就會發現佢呢粒「點」竟然被人P走咗！唔知各位又鍾意佢「露點」，定「冇點可露」呢？

X：yua__naruse