好少男仔會覺得女仔擁有高學歷係一件性感嘅事，但當一個高學歷女仔行性感，唔知點解男人又會覺得佢特別吸引。好似今晚要同大家介紹嘅呢位「波崎天結」咁，就係日本名校早稻田大學出身，再加上佢一對超絕美腳，令佢一出道就成為寫真界著名新星！

現年21歲嘅「波崎天結」，早期係一位攝影會模特兒，去年開始轉型為水著攝影模特兒，仲好快就吸引到日本經理人公司嘅目光，於是就非常順利地加入寫真界。佢嘅首隻寫真DVD《あゆの初恋》一推出就大受歡迎，成為販售網嘅銷量冠軍之外仲賣到斷哂貨，8月推出嘅第二隻DVD《恋するハザキさん》亦同樣大受好評。可以話係今年最著名嘅寫真新人之一。

「波崎天結」曾於訪問中表示，目前業界有太多寫真女星，而佢希望可以展現自己嘅個性，成為與別不同嘅存在。佢自問最大賣點係「溫暖嘅微笑，屁股同長腿」，亦樂於Fans稱為佢「令和美腿女王」。同時佢亦深知自己上圍唔算豐滿，所以刻意挑選非常緊身嘅泳裝，令上圍睇落更為有料。佢亦透露拍攝首隻寫真DVD時，雖然露出度頗高，但佢就一啲都唔覺得羞恥，甚至覺得如果自己表現得羞恥一啲，拍出黎個效果可能更好。睇黎真係天生食「寫真飯」嘅材料。大家可以期待下佢未來嘅發展啦！

IG：ayu_photo_18