久唔久你就會聽到身邊啲女仔朋友話自己「又肥咗」，但其實對於男仔黎講，「肥唔肥」並唔係重點，重點係「有冇肥啱地方！」咁點為之「啱」呢？好似今晚我哋要介紹嘅呢位「蒼野杏」咁，增重10kg後出道成為寫真女星，去年仲贏埋日本「國民寫真大賽」總冠軍！呢啲就叫肥啱地方啦！

現年25歲嘅「蒼野杏」，最早於2018年10月以「高杉杏」之名出道。據佢當時接受訪問時透露，其實佢自小就已經想成為寫真女星，只係當時實在太瘦，身材無甚睇頭所以欲入無門。不過後來佢就突然「暴肥」10kg，更重要嘅係嗰10kg有好一部份都去咗心口，令佢身材連升幾「Cup」達到「G Cup」，連佢身邊嘅朋友都話「係時候要去拍寫真啦」，於是佢就主動向經理人公司應徵，最終果然成功出道。

雖然於2020年時曾經出現「宣佈引退，兩個月又收返」嘅奇怪事，2021年又因為轉經理人公司而需成改名成目前用緊嘅「蒼野杏」，但其實佢出道後嘅事業發展都算幾順利。2021年加入寫真女星偶像團體「sherbet」嘅姊妹團「sherbetNEO」，同年參加日本「國民寫真大賽進入最終名單，翌年再參加更贏埋總冠軍，同時身材亦百尺竿頭再進「兩步」去到「I Cup」，寫真DVD亦已經出到第六隻！大家或者可以期待佢未來登上各大少年雜誌，影更多靚相啦！

IG：ann_takasugi