日本女子偶像潮流已冷卻並唔係咩新聞，淨係睇下近呢兩年有幾多日本女團成員選擇卒業單飛，又或者改投其他經理人公司、轉型做其他演藝工作就知。好似今晚要介紹嘅呢位「武田智加」咁，近日從HKT48畢業後，就改投日本著名經理人公司「Seju」，而未來發展，好可能就係向寫真之路進發！

現年20歲嘅「武田智加」最早於2016年成為HKT48嘅第四期生、2017年11月升格為正式成員，但到今年宣佈卒業，並且於10月20日嘅卒業公演後立即宣佈加盟「Seju」，並表示未來會「重新開始，開展比以往更廣泛嘅活動」。而何謂「更廣泛活動」呢？咁就要去睇下「Seju」目前嘅藝人名單，當中包括元NMB48成員「本郷柚巴」、「大熊杏優」、「桑島海空」以及「川口葵」等，而佢哋嘅共通點，就係目前全部都從事緊寫真活動！

「武田智加」加盟新公司後嘅第一份工作，就係為《週刊Playboy》拍攝題為寫真。而從「ぷにカワ系女子」呢個寫真題目，就可以得知「武田智加」嘅賣點就係「ぷに (解微胖圓臉)」及「カワ (可愛，Kawaii)」，事實上從照片中亦可以見到佢如棉花糖一般嘅軟熟身型、可愛笑容，而且身材仲頗為有料，證明佢的確有潛力於寫真路上大放異彩。

IG：moka0225_hkt