雖然話大部份男士都希望另一半比自己嬌小，但呢個世界亦有另一批男士鍾情於高頭大馬嘅女仔。如果你都係屬於後者中嘅一員，咁今晚要介紹嘅呢位「下谷あゆ」就可能好啱你心水。事關佢擁有174cm超高挑身材，就連日本傳媒都用「規格外」亦即「超乎常規」去形容！

今年2月先啱啱滿18歲嘅「下谷あゆ」，目前係大阪女子偶像團體「おちゃメンタル☆パーティー」嘅成員之一，亦係目前團內最年輕、最高身長嘅成員，同時號稱日本史上最高偶像。事實上佢嘅174cm高唔好講喺偶像圈中，即使以成個日本黎計都非常少見。據日本厚生勞動省去年發表嘅「國民健康．營養調查」，日本20代女性嘅平均身高僅為157.5，而且多年黎都冇咩點變過，換言之「下谷あゆ」比起同齡日本女子閒閒地高15cm以上，絕對地鶴立雞群。

正正係因為佢嘅「規格外」身高引起話題，所以早前「下谷あゆ」就受到《週刊Young Magazine》邀請，進行咗人生首次水著寫真拍攝。當中最注目嘅當然係對超長美腿，而其實佢嘅上圍亦頗有睇頭，絕非「瘦蜢蜢、薄切切」嘅紙片人。相信可能滿足到唔少「身高控」男士啦。

IG：ochapa_ayu