空姐曾經係唔少少女們嘅理想職業，但近年航空業被疫情打擊，空姐作為職業嘅吸引力大不如前，就連我身邊唔少空姐朋友都已經「落地」轉行。而今日要為大家介紹嘅呢位「橘和奈」，就同樣係由空姐轉行做寫真偶像，但睇黎佢呢個決定做得非常正確，因為佢出道半年已經成為日本雜誌新寵，有望成為下一位寫真鉅物！

99年出身嘅「橘和奈」現年26歲，出身於福島縣、身高170cm嘅佢，學生時期曾於美國及中國留學，所以精通日、英、中三種語言。或者係想善用自己嘅長處，加上佢本身嘅夢想職業就係做空姐，所以畢業之後佢就加入日本某間大型航空公司。但今年4月時佢就因為長期飛行對耳仔造成負擔而決定辭職，剛巧就遇上加入寫真界嘅機會，所以就轉職成為寫真偶像。

加入寫真界後嘅「橘和奈」，事業發展可謂相當順利。憑住本身就已經非常引人遐想嘅「前空姐」身份，加上天生嘅170cm高嘅修長身型，以及多年黎勤於鍛鍊而得來嘅玲瓏體態，自4月出道起就成為《FLASH》、《FRIDAY》等雜誌嘅常客。而且由於出道時已經係26歲，佢嘅寫真亦走更為成熟誘人嘅風格，吸引之處簡單明暸。佢曾於訪問中提到，未來除咗寫真之外，仲希望於演技上有所發揮，睇黎未來大家仲有好多機會見到佢啦。

X (Twitter): _aina222