「AKB48」相信大家都有所聽聞，但你又知唔知，其實整個「AKB系」除咗AKB48本團之外，仲有十幾個以不同地區為主要活動地點嘅子團體？雖然呢啲子團體嘅成員未必有咁出名，但其實佢哋都值得大家關注，好似今晚要介紹嘅呢位「本間日陽」就係其中之一。

現年23歲嘅「本間日陽」，最早於2014，即係佢14、5歲就已經首次參加AKB48 Team 8嘅「新潟縣代表徵選」，並一度進入最終審查，與成功入團僅差一步之遙，但最終就卻中途退出。好在一年後AKB就決定直接搞一個於新潟縣活動嘅姊妹團「NGT48」，今次成功入選成為初代成員之外，更從此站穩團體嘅核心位置，每首單曲都有份之餘，2018年時更以18歲之齡成為分隊隊長，成為AKB所有團體中最年輕嘅分隊隊長，被稱為「NGT48絕對的ACE」。

近年「本間日陽」就將事業重心轉向演員方面，除咗轉投於演員事業更有經驗嘅新經理人公司外，2021年時亦推出首本個人寫真，早前亦為《FLASH》影咗一輯迎寫真。唔知各位對佢又有咩評價呢？

IG：hinata_homma1110