AKB成員拍攝寫真唔係啲咩新聞，但如果要講到「AKB寫真女王」，我諗唔少人第一時間諗起嘅，始終都係退咗團6年嘅「小嵨陽菜」，似乎自佢之後，就再冇AKB成員能夠於寫真界獲得如此佳績。不過今晚要介紹嘅呢位「大盛真歩」，就被稱為「AKB新寫真女王」，究竟佢有咩吸引力？又能唔能夠追上甚或超越前人嘅成績？

現年23歲嘅「大盛真歩」，於2017年11月參加第三期《AKB Audition》成為團體候補生，再於2018年1月成為Team B研究生，最終於2018年12成為Team B正式成員。隨後幾年佢除咗參與團體歌曲及演唱會外，亦曾參與過舞台劇演出。直到近年佢先於AKB團綜中有亮眼表現、再接連登上《男女糾察隊》嘅女藝人運動會、《踊る!さんま御殿!!》等多個知名綜藝，令佢人氣爆發，成為目前AKB中最廣為人識嘅成員之一。

同時佢近來亦踏足寫真界，由去年中為《週刊Young Jump》拍攝開始，接連登上《週刊Playboy》、《FLASH》及《EX大眾》等多本雜誌。雖然身材就未算極有睇頭，但都算「應有盡有」，加埋佢樣貌可愛，成功擄獲唔少Fans。唔知大家又覺得佢揹唔揹得起「AKB寫真女王」呢個朵呢？

IG：maho_usagi