近年有唔少「星二代」已經長大成人，甚至有啲已經步父母後塵加入演藝圈。但唔知你又會唔會同我一樣，覺得雖然唔少星二代嘅父母當年都係型男靚女，但1+1似乎冇等於2，反而有啲當年唔特別起眼嘅星一代，生出黎嘅子女反而令人眼前一亮？好似今晚要同大家介紹嘅呢位「福田ルミカ」，就係一個好例子啦！

現年18歲嘅「福田ルミカ」，係一名現役高三學生，而佢嘅媽媽就係日本唱作歌手，本名「福田美幸」嘅「茂木ミユキ」。媽媽當年雖然未算極有人氣，但都有著一副美人胚子，就算依家已經四十有五都可以叫做「風韻猶存」。而女女「福田ルミカ」就更加正值青春年華，擁有168cm高挑身材之外，亦有一個燦爛可愛嘅甜美笑容。所以佢早於13歲時就已經出演電影，2021年就已經登上《週刊Young Jump》封面，最近仲做埋富士電視台嘅長壽晨間節目《鬧鐘電視 (めざましテレビ)》嘅記者，演藝生涯開展得相當順利。

「福田ルミカ」於接受訪問時提過，曾經同媽媽協議目前要專注學業，有咩到考咗上大學先算。而目前為咗準備升學試，佢每日要溫10個鐘頭書，仲要擠出時間拍攝節目，聽落都覺得辛苦。但或者過埋呢年，大家就會見到全力發展演藝、寫真事業。到時就應該有更多靚相啦！

IG：fukuda_rumika