文：MenClub 魏文青
POSTED ON 19 May 2015
呢個世界，其實真係好奇怪。例如講女仔嘅性格咁，有啲人明明就出身寒微，偏偏唔知痴咗邊條線覺得成個世界都欠咗佢、要就哂佢，結果就患上末期「公主病」。反過來真係公主嘅，就黎得落落大方，比鄰家女孩更鄰家！
|
|
|
|
話說日本現任天皇「明仁」次子，親王「文仁」嘅次女「愛子」，今年已經20歲，仲啱啱入咗國際基督教大學教養學部Art&Science學科，正式成為大學生，更加成為日本年青男子追捧嘅對象。除咗因為佢嘅公主(嚴格上應稱為內親王)身份，更加因為佢係目前天皇家族最靚女嗰個(唔信你自己去睇下太子德仁個女發生咩事)。 所以任何有關佢嘅新聞，都會引起網民熱話。而好死唔死，今日就爆出佢同人私會！
|
|
|
|
話說話係「私會」，其實只係影到佳子公主同一個男性朋友一齊去Shopping。雖然話佳子公主露香肩小性感，但當中又冇咩曖昧舉動，又冇咩特別接觸，其實就係普通到唔普通嘅約會，圖中男子究竟係駙馬定步兵根本就冇人知！但網民反應一樣都係咁激動，有人大罵佳子公主係「ロイヤルビッチ(Royal Bitch，皇室婊子)」，又有人話為日本未來擔心咁喎。
|
|
|
|
計我話上到大學識下男仔朋友有幾閒呀？況且你睇身為公主嘅佳子都係著背心牛仔褲，對Vans睇個樣仲好殘下，同普通人家女子其實冇咩分別，都係咁平易近人。淨係呢樣都夠抵讚啦！唔信？你望下香港嗰位所謂「小姐」？
|
|