日本寫真文化非常盛行，甚至可以話係每個女星嘅成名必經階段，所以唔少年輕女仔其實都只當寫真係踏腳石，賺夠名氣就封胸轉做演員、主持之類。而今日要介紹嘅呢位「やりろじゅり。」，雖然都有個歌手舞，但大家唔使擔心佢未來會封胸，因為據佢自己講，就算要做歌手，佢都要做個「脫衣歌手」！

現年19歲嘅「やりろじゅり。」，可以話係近年突然於網上冒出黎嘅寫真女星，事實上我亦搵唔到佢準確嘅出道日子，只係知道出生於日本京都、於滋賀縣長大嘅佢，2020年4月時就開設Twitter。而真正進入大眾目光，就係去年年尾參加由Booty東京舉辦嘅大型會後，憑其H Cup上圍吸引到媒體訪問後嘅事。

而於訪問當中，佢就透露自己係去年年中先搬去東京發展，早期都係參加攝影會居多。縱然大家嘅目光都放於佢嘅上圍 (據佢於IG上表示，目前已經成長至I Cup)，但佢就表示自己個Pat Pat先係真正賣點，甚至表示之前曾於大阪一間女僕咖啡打工時，因為身穿泳衣服務客人而被大讚臀部線條。

至於你問點解佢會於一間女僕咖啡中著泳衣呢？睇黎就係因為佢本來就鍾意露出肌膚。據佢於訪問時講，自己非常熱愛唱歌，未來嘅目標亦係做歌手，不過可以的話就想做個「脫衣歌手」，因為佢想將「寫真」同「唱歌」擺埋一齊喎——唔知到時有幾多人仲有心機聽歌？

IG：yashirojuri_