今晚要同大家介紹嘅呢位「工藤美桜」，其實我哋亦曾經於2021年時介紹過。不過兩年過去後，工藤美桜除咗由一個「小妹妹」變成一個「小女人」之外，近年仲剪咗一頭清爽短髮，咁就借呢個機會同大家睇下佢嘅新造形啦！

現年23歲嘅工藤美桜，最早於小學四年級時就已經開始擔任兒童模特兒，2015年時曾出演《幪面超人Ghost》，而2020年於《魔進戰隊》中出演粉紅戰士「大治小夜」更加係佢嘅成名作，亦為佢打開咗寫真之路。之後佢除咗繼續發展演員事業之外，久唔久亦會為各大青少年雜誌拍攝寫真。

身高165cm嘅「工藤美桜」身材偏修長，加上之前留有一頭及肩長髮，所以整體感覺較為柔婉。不過佢於去年年中時就改為一頭清爽短髮，瞬間就令到個氣質變得頗為開朗，甚至有幾分英氣。唔知各位又鍾意佢邊個髮型多啲呢？

IG：mmio_kudo