喺依家呢個年代，唔少外表夠出眾嘅香港女仔，可能中學都未畢業就已經有過萬嘅IG Followers，如果得幾千人更加可以話係不值一提。不過今日要同大家介紹嘅呢位「橋本つむぎ」，雖然係個日本偶像、上埋雜誌、仲有個「大阪最可愛偶像」嘅稱號，但佢所有社交媒體加埋都唔夠一萬個Followers，可以話係名不經傳！咁究竟係佢真係唔吸引，定只係未必留意到呢？

據網上資料顯示，2000年出世嘅「橋本つむぎ」，於2020年時加入大阪女子偶像團體「ЯiＭ:ＭiＲ」而出道，目前團體亦主要於關西一帶活躍，所以人氣同一眾東京女子偶像團體絕對係「不可同日而語」。事實上「橋本つむぎ」嘅個人知名度亦可以話係非常低，佢嘅Twitter追蹤人數僅有4,500人左右，加上IG (1,683人)以及YouTube (1,760人) 都唔夠一萬。

但知名度呢家嘢，佢依家冇，但將來就應該會有。事關佢3月時為《Young Jump》拍攝咗一輯水著寫真，除咗被被編輯部「不負責」地冠上「大阪最可愛偶像」嘅稱號之外，佢本身嘅超雪白肌膚、嬌小玲瓏身型亦都非常搶眼，絕對有潛力於寫真界創作一番成績！唔知又啱唔啱大家嘅口味呢？

IG：tmtm_rim