講起現年33歲嘅水崎綾女，近年大家對佢印象最深嘅應該係2020年Netflix劇《今際之國的有栖》第一季中飾演紫吹小織，仲於劇集內有多場性感演出。不過其實佢初出道時係以寫真工作為主，而去年佢亦推出再次推出個人寫真集，近來寫真集更加再販。我哋就襯呢個機會睇清楚佢有幾正啦！

現年33歲嘅水崎綾女，早於2004年就之參加Horipro Talent嘅選秀比賽而出道，頭幾年都係以寫真女星嘅身份活躍，曾經出過寫真DVD、個人寫真集，當然亦上過唔少青少年雜誌嘅封面，當時嘅佢仲有「平成年代的F Cup」嘅稱號。不過自2008年左右起，佢就開始專注於演員事業，慢慢淡出水著界。

直到2022年，與對上一本個人寫真集距離14年之後，佢先再次推出新寫真《水崎綾女 写真集 Ayame》，亦為咗宣傳而再次為雜誌拍攝寫真。近日寫真集開始再販，佢亦展開另一波宣傳。有趣嘅係，唔知係咪為咗展現佢嘅成熟誘人魅力，近來水崎綾女拍攝嘅寫真，無論係邊本雜誌影佢，都不約而同地用上濕身主題，搞到佢永遠都係濕撻撻、令立立咁出鏡。唔知大家又點睇呢個風格呢？

IG：misakiayame