「高大嘅男人更加吸引」，素來都係社會、特別係女仔們嘅共識，所以無論個女仔身係米四、定係米七，佢都希望搵個米八嘅男朋友。不過，呢個世界亦都有啲人因為各種原因而唔鍾意高大嘅男仔，好似今晚要介紹嘅呢位「かおり」，就算佢本身都已經有接近米七，佢都唔要高大男仔呀！

かおり最初係於IG、TikTok等社交平台走紅，後來正式步入主流媒體，同時亦開始為青少年雜誌拍攝寫真。據佢於訪問時透露，佢希望搵個唔好咁高、唔好咁靚仔，最好仲係單眼皮嘅男仔——唔知以為佢直頭係講緊我！而佢之所以有咁獨特嘅擇偶條件，係因為佢高中時第一個男朋友就係又高大又靚仔，但結果就係一個渣男，於是佢就發誓唔會再搵靚仔。

回到佢嘅寫真事業。雖然舊年6月佢就首次寫真出道，但大半年黎寫真產量其實唔多，而個人社交平台上大部份都係日常便服相，有個U領見到少少事業線已經算好罕有，可見佢事業重心並非放於寫真。但其實身高168cm嘅佢有著非常修長嘅美腿，再加上雖然有啲距離感但非常精緻嘅面孔，絕對有能力於寫真界走紅。接下來就睇佢本人嘅意願啦。

IG：i_am_kao_