所有女大十八變，大家都知由「女孩」變成「女仔」再到「女人」都有唔同嘅吸引之處。好似今晚要介紹呢位「伊藤愛真」咁，當初出道時就係以「日本最可愛啤酒妹」而聞名，幾年之後佢雖然都係樣靚身材正，但就有多咗幾分「御姐」氣息，唔知大家又鍾唔鍾意佢呢種改變呢？

論年齡，現年25歲嘅伊藤愛真其實仲係好後生，但由於佢喺高中時代就因為擔任棒球比賽場內嘅啤酒女郎而聞名，隨後就以寫真女星身份出道，2018年時更贏得全國校花大賽，換言之單計正式出道，今年都已經係佢出道第5年。縱然一對可愛虎形依然健在、身材外貌亦冇走樣，但隨住年齡上升，佢近年就多咗幾分成熟氣息，當年嘅妹妹，依家已經有啲姐姐Feel。

另一個令佢越黎越成熟嘅原因，好可能係因為佢由早年嘅長髮，變成依家嘅短髮。而且仲有越剪堰短嘅傾向，唔知大家又點睇佢嘅短髮Look呢？

IG：__emagram