{ SKIP }
文:MenClub 魏文青  
POSTED ON 28 Dec 2022

相信大家都有留意,我哋嘅深夜系列雖然係介紹性感女仔為主,但礙於尺度關係,係甚少介紹AV女優。而如果我哋保持呢個傳統,我哋未來就好可能唔可以再介紹前AKB48成員「鈴木優香」,因為佢可能、或者、有機會、Maybe會真真正正咁下海!

現年22歲嘅鈴木優香,2019年曾參加AKB48嘅徵選並成功入選,可惜於2021年4月時佢被爆出私生活混亂,不僅於加入AKB前曾經與中年製作人同居,又被拍到與年輕男性開房,雖然佢本人矢口否認,但最終都係於同年9月宣佈退團。退團後佢火速轉向寫真界發展,短短一年幾已經多次為《週刊Playboy》、《Flash》、《Friday》等雜誌拍攝性感寫真,今年11月開設個人YouTube,內容亦係以性感身材為賣點,人氣比起之前更上一層樓。

而上星期,佢就突然上傳一條叫做「關於出演AV」嘅影片,影片中嘅佢一路浸浴一路分享對於拍攝AV嘅睇法。佢話自從當日被爆出私生活混亂時,身邊已經有好多人叫佢「點都唔去拍AV」,結果反而令佢對AV產生興趣,甚至已經同AV事務所見過面、開個會,連出道作拍啲咩、會收到幾多錢都已經傾好,只係因為最後佢屋企人反對所以先至作罷。

影片中鈴木優香明確指出,目前佢係冇拍AV嘅打算,但佢亦指出,AV片商提嘅價碼實在太吸引,好難唔令人心動。佢甚至話「如果有人會支持我拍AV的話,咁就好啦」。睇黎佢同下海之間就真係一線之隔,大家又會想佢向邊一邊倒下呢?

IG:yuuka_chan815

大家有無試過因為同一時間經歷好多事,所以即使實際時間唔係過咗好耐,但體感時間就長得多嘅錯覺?我每次見到今晚介紹嘅呢位「菊地姫奈」時,都會有呢個感覺。事關佢自出道以黎,就一直雄據各大雜誌嘅寫真版位,作品 ...
girls
【深夜】出道五年成「令和完售女王」!「菊地姫奈」戰力驚人
28 Nov 2025
日本各大青少年雜誌嘅寫真版面,係一眾寫真女星嘅主戰場。但由於僧多肉少,加上要為讀者提供新鮮感,哪怕寫真女星再紅再受歡迎,都好少會於短時間內出現於同一本雜誌之上。而今晚要介紹呢位「福田ひなた」就係當中嘅 ...
girls
【深夜】「可憐」偶像處女寫真大紅 「福田ひなた」破紀錄最速回歸
26 Nov 2025