日文中嘅「幼馴染」，雖然睇落好似係啲咩唔見得光嘅行為，但其實係「青梅足馬」咁解，而今晚要介紹呢位「西葉瑞希」，就被日本傳媒稱為「國民幼馴染」，究竟做「幼馴染」要有咩條件？

西葉瑞希現年23歲，早於13歲時佢就已經於家鄉愛知縣加入地區偶像團體「Star☆T」，但唔夠一年就已經退團；休息兩年之後，佢再次加入女團「きゅい〜ん'ズ」成為創團成員之一。不過事業上嘅突破，就要等到2018年參加《週刊Playboy》舉行嘅素人寫真明星選秀活動「サキドルエースSURVIVAL SEASON9」，並以參賽者身份首次登上封面；同年11月於比賽中贏得準優勝，再次獲得卷末寫真嘅機會，從而令更多人認識佢。

講真，西葉瑞希個樣就稱唔上係大美人，但就勝在夠樸實無華，加上一對兔仔牙相當可愛，所以先有「國民幼馴染」之稱。但你又唔好以為佢真係「人畜無害」，事關佢有另一個稱號叫「平成最後的蘿莉巨乳」，從佢啲寫真亦睇得出佢係有料之人，而且身高162cm嘅佢其實亦冇想像中咁細粒。比起青梅足馬，或者更似係一個好老婆嘅人選？

IG：mizuki_saiba