一般黎講，拍攝水著寫真素來係年輕貌美嘅少女嘅專利，好少女星去到「三字頭」都仲會繼續拍，更少人係去到30歲先「返黎拍」，更更少人係30歲拍都仲可以有好成績，唯一一個特例，大概就係深田恭子，而今日要介紹嘅呢位啱啱30歲「足立梨花」就話要做第二個深田恭子，大家又點睇呢？

上個月啱啱30歲嘅足立梨花，早於2007年15歲時就參加日本大型經理人公司Horipro嘅選秀比賽，最後擊敗超過5萬名參賽者勝出而入行，翌年就已經參演三部戲，11年開始參演《ヒルナンデス》踏足綜藝，事業發展可謂都非常順利。而佢當然亦不能免俗地曾經拍過寫真、出過寫真集，但因為戲劇、綜藝發展都好好，所以自2014年推出最後一本寫真集後，近8年佢就同寫真絕緣。不過近來佢就趁住自己30歲而推出新寫真集，而且仲賣得非常好，要再版添！

點解佢突然又想出寫真呢？據日本傳媒報導，足立梨花係見到同公司嘅前輩深田恭子，喺30歲後出嘅幾本寫真集都大賣，所以希望複製前輩嘅成功之路；加上自己30歲後能夠展示出「大人的性感」，吸引力大增，所以先決定再推出新寫真。值得一提嘅係，足立梨花認為自己身材上最大嘅賣點係個Pat Pat，甚至為咗寫真集刻意請教練去練好個Pat Pat，大家又滿唔滿意佢個成果呢？

IG：adacchee